Bail Pola 2022 : सर्जा-राजाचा दिवस, साज चढवलेल्या बैलजोडींचे खास Photos – News18 लोकमत

Written by

शेतकरी राजा समवेत कायम शेतात राबराब राबणाऱ्या लाडक्या सर्जा-राजाचा अर्थात बैलांचा सण म्हणजे बैलपोळा (pola festival)
स्वातंत्र्यापूर्वीच्या काळापासून अकोला शहरात पोळा चौक आहे. या चौकांमध्ये पोळा सण मोठ्या उत्साहात साजरा करण्यात येतो. आजही ही परंपरा या ठिकाणी कायम आहे.
शिंगे झुली, रंगीबेरंगी गोंडे, घुंगराची चंचाळे, बाशिंग, पितळी शेंबी, मोरक्या, कासरे, माटाट्या, कंबर पट्टा अशा साज पोळ्या निमित्त चढवला जातो. काही जोड्यांना तर चक्क चांदीच्या दागिन्यांनी सजावट करण्यात आली होती.
मागील दोन वर्षांपासून कोरोनाचे सावट असल्याने अनेक निर्बंध होते. मात्र, यावेळी कोणतेही निर्बंध नसल्याने आणि वर्षातून एकदाच येणाऱ्या हा सण शेतकऱ्यांनी मोठ्या उत्साहात साजरा केला.
बैलजोडीची साज चढवून बँडच्या सहाय्याने वाजत गाजत मिरवणूक काढण्यात आली. या दिवशी शेतकऱ्यांनी आपल्या घरी गोड पदार्थ बनवले होते.
पोळा हा सण विशेषतः विदर्भात मोठ्या प्रमाणात साजरा केला जातो. विदर्भातील सीमेवर असलेल्या मध्य प्रदेश व तेलंगण सीमाभागही हा सण साजरा होतो. ज्यांच्याकडे शेती नाही ते मातीच्या बैलाची पूजा करतात.
संत गाडगेबाबा बहुउद्देशीय संस्थेकडून पोळ्याच्या दिवशी उत्कृष्ट सजावट केलेल्या बैलांना पुरस्कार देऊन शेतकऱ्यांचा सन्मान करण्यात येतो. यावर्षीचे पहिलं पारितोषिक जुने शहर भागात राहणाऱ्या गोपाल मांडेकर यांना मिळाले.

source

Article Tags:

Leave a Reply

Your email address will not be published.

Shares