चिकू बागायतीदारांच्या समस्या सोडवा – Sakal

Written by

बोलून बातमी शोधा
बोर्डी, ता. १६ (बातमीदार) : डहाणू तालुक्यातील चिकू बागायतींमध्ये निर्माण झालेल्या विविध समस्यांवर तज्ज्ञ शास्त्रज्ञांमार्फत संशोधन करून त्यावर उपाययोजना करण्यासाठी योग्य ते मार्गदर्शन करावे, अशी मागणी महाराष्ट्र राज्य चिकू उत्पादक संघाने कोकण कृषी विद्यापीठाचे कुलगुरू यांच्याकडे केली आहे.
डहाणू तालुक्यातील चिकू पिकाच्या माध्यमातून मागच्या २५ वर्षांपासून मोठ्या प्रमाणात रोजगारनिर्मिती केली आहे; मात्र मागच्या काही वर्षांत विविध समस्या निर्माण होऊन झाडांची उत्पादन क्षमता घटली आहे. सुमारे आठ हजार हेक्टर जमिनीवर डहाणू तालुक्यात चिकू बागायती विकसित झाल्या आहेत; मात्र दिवसेंदिवस झाडापासून फलधारणेत घट होत असल्यामुळे उत्पादन घटले आहे. याबाबत शेतकरी विविध प्रयोग करून उत्पादनवाढीसाठी प्रयोग करीत असले, तरी यात त्यांना यश मिळालेले नाही. त्यामुळे कोकण कृषी विद्यापीठाच्या तज्ज्ञ शास्त्रज्ञांडून या भागातील बागायतींचा पाहणी करून शेतकऱ्यांना योग्य मार्गदर्शन करावे, अशी विनंती निवेदनाद्वारे महाराष्ट्र राज्य चिकू उत्पादक संघाचे अध्यक्ष विनायक बारी यांनी केली आहे.
वेबसाईटवर ब्राउझिंगचा अनुभव सर्वोत्तम असावा, यासाठी आम्ही कुकीजचा वापर करतो. कुकीजमुळे तुम्हाला तुमच्या आवडत्या मजकुराची शिफारस करता येते. आमचे गोपनीयता आणि कुकीजसंदर्भातील धोरण तुम्हाला मान्य आहे.

source

Article Tags:

Leave a Reply

Your email address will not be published. Required fields are marked *

Shares