गायरान जमीन कसणाऱ्यांच्या नावे करण्याची मागणी – Sakal

Written by

बोलून बातमी शोधा
गायरान जमीन कसणाऱ्यांच्या नावे करण्याची मागणी
रत्नागिरी, ता. २० ः गायरान जमिन ती कसणाऱ्यांच्या व घरे बांधून राहणाऱ्यांच्या नावे करा व जमिनीवरील अतिक्रमण काढू नका, राज्य सरकारने आदेशाचा पुनर्विचार करण्यासाठी याचिका दाखल करा, अन्यथा बिरसा फायटर्स संघटनेतर्फे राज्यभर तीव्र आंदोलन छेडेल, असा इशारा बिरसा फायटर्सचे राष्ट्रीय अध्यक्ष सुशिलकुमार पावरा यांनी शासनास दिला आहे. या मागणीचे निवेदन मुख्यमंत्री, उपमुख्यमंत्री, महसूल मंत्री यांना देण्यात आले आहे.
उच्च न्यायालय मुंबई यांनी जनहित याचिकेवर दिलेल्या आदेशानुसार संदर्भीय क्र. एक पत्रानुसार उपसचिव महसूल व वनविभागाने ११ ऑक्टोबर २०२२ च्या पत्रावर तत्काळ कार्यवाही करण्याबाबत जिल्हाधिकारी यांना सूचना केलेल्या आहेत. त्या अनुषंगाने राज्यातील रत्नागिरी, सिंधुदुर्ग, रायगड, पालघर, ठाणे, अहमदनगर, नाशिक, धुळे, नंदुरबार जिल्ह्यात अतिक्रमण हटविण्याबाबत नोटीसा लोकांना पाठविण्यात आल्या आहेत. त्यामुळे वर्षानुवर्ष जमीन कसणारे व घरे बांधून राहणारे कष्टकरी, मजूर, शेतकरी, आदिवासी बेघर होणार आहेत. म्हणून मुख्यमंत्री यांच्याकडे राष्ट्रीय अध्यक्ष बिरसा फायटर्स यांनी गायरान जमीन कसणाऱ्यांच्या नावावर करा व जमिनीवरील अतिक्रमण काढू नका. तसेच आदेशाचा पुनर्विचार करण्यासाठी न्यायालयात पुनर्विचार याचिका दाखल करा, असा विनंती अर्ज केला आहे.
वेबसाईटवर ब्राउझिंगचा अनुभव सर्वोत्तम असावा, यासाठी आम्ही कुकीजचा वापर करतो. कुकीजमुळे तुम्हाला तुमच्या आवडत्या मजकुराची शिफारस करता येते. आमचे गोपनीयता आणि कुकीजसंदर्भातील धोरण तुम्हाला मान्य आहे.

source

Article Tags:

Leave a Reply

Your email address will not be published. Required fields are marked *

Shares