Andolan : मुळा’त उड्या घेणाऱ्या शेतकरी आंदोलकांवर गुन्हे – Agrowon

Written by

नगर ः दोन महिन्यांपूर्वी जिल्ह्यात जोरदार पाऊस झाला. त्यामुळे झालेल्या नुकसानीची शासनाकडून मदत मिळत नसल्याने बुधवारी (ता. २१) स्वाभिमानी शेतकरी संघटनेच्या कार्यकर्त्यांसह शिवसेना, राष्ट्रवादीच्या काही कार्यकर्त्यांनी मुळा धरणात उड्या घेत आंदोलन
केले. तर काहींना उड्या घेण्याचा प्रयत्न करताना पोलिसांनी पकडले. आंदोलन करणाऱ्या १३ कार्यकर्त्यांवर राहुरीत गुन्हा दाखल करण्यात आला आहे.

नगर जिल्ह्यात दोन-तीन महिन्यांपूर्वी जोरदार पाऊस, अतिवृष्टीने शेतीपिकांचे मोठ्या प्रमाणात नुकसान झाले. शासनाने पंचनामे केले, परंतु अजूनही मदत दिलेली नाही. त्यामुळे बुधवारी स्वाभिमानी शेतकरी संघटनेसह राष्ट्रवादी, शिवसेनेच्या कार्यकर्त्यांनी दुपारी मुळा धरणावर जाऊन धरणात उड्या मारुन आंदोलन केले. या वेळी पोलिसांनी धाव घेत आंदोलकांना पकडले. पोलिसांनी या वेळी आंदोलन करणाऱ्या १३ कार्यकर्त्यांवर गुन्हे दाखल केले आहेत.

स्वाभिमानी शेतकरी संघटनेचे रवींद्र मोरे, उद्धव ठाकरे यांच्या शिवसेनेचे रावसाहेब खेवरे, भागवत निमसे, राहुल चोथे, अब्दुल हमीद राजमहंमद पटेल, विजय शिरसाट, प्रशांत शिंदे, विशाल तारडे, कैलास शेळके, सुनील शेलार, मीनानाथ पाचरणे, सुभाष चोथे, विठ्ठल सूर्यवंशी या कार्यकर्त्यांचा समावेश आहे. या कार्यकर्त्यांना नंतर जामीन देण्यात आला आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
© agrowon 2022

source

Article Tags:

Leave a Reply

Your email address will not be published. Required fields are marked *

Shares